Suki Beach Resort, matatagpuan as sitio Suki, ang suki beach resort ay ang pinaka malapit na resborts sa bayan ng Sta. Magdalena, katabi lamang ito ng Poblacion Uno, maaring lakarin ang Suki Beach sapagkat ito ay halos kalahating kilometro lamang ang layo kung mang gagaling ka sa Terminal ng Jip o tricycle, samantala kung ikaw naman ay may dalang sasakyan walang problema sapagkat may sariling kalsadang ipinatayo ang Suki para madaling mapuntahan ng mga bisita nito.

Ang Suki Beach Resorts ay isa sa pinaka bago, subalit pinaka maganda at pinaka kumpleto sa lahat ng mga resorts sa bayan ng Sta. Magdalena, sinasabing dito lang matatagpuan ang tunay at kauna unahang Infinity Pool with Jacuzzi sa buong lalawigan ng sorsogon.

​

Mayroon itong 2 palapag na “Suite” kung saan ang isang araw ay nagkakahalaga ng 2500 pesos kasama na ang almusal para sa 2 tao, pwede itong tirahan ng hanggang sa 10 mga bisita na walang dagdag na bayad. Ang “Suite” ay may mainit na tubig sa banyo, libring sabon, shampoo at tuwalya, malilinis na kobre kama. May isa itong kamang 2 deck atisang Queen, maaring humiling ng karagdagang higaan depende sa presyo at pangangailangan. Ang kagandahan sa mga kwartong ito ay ang tanawin, kung saan ang palayan ay matatanaw sa likod at ang kabundukan habang sa kabilang ibayo naman ay ang malinis na karagatan at buhangin ng Suki.

Mapag pipilian din ang kanilang 3 Bahay Kubo, sa halagang 1500 pesos sampung bisita na ang pwedeng tumuloy dito sa loob ng 24 oras, sa halagang ito may kasama nang libreng almusal para sa dalawa ka tao, may sariling banyo, electric fan, tuwalya, libring shampoo at sabon, bago at malinis na kobre kama sa kanilang Queen Bed, maaring humiling ng karagdagang higaan depende sa presyo at pangangailangan. Ang kagandahan sa kubo ay mayroon itong balkunahe at malapit lang sa dagat kaya sulit na sulit ang iyong gastos sa ganda ng mga tanawin dito. Mayroon ding ibat ibang klase ng duyan, may mga naka sabit ding “swing” sa mga punong nag papa lilim sa mga bisita araw araw.

​

Ang swimming pool ay may tatlong dibisyun ng paliguan, ang Infinity Adult, Infinity Kiddie Pool at ang Jacuzzi o Hot Pool. Dahil ang Suki Beach ay pang pribadong resort ito ay may “entrance fee” na 5 pesos kada tao, kung may dala ka namang sasakyan ang parking o paradahan naman ay may kaunting bayad ito ay para ma siguradong lahat ng sasakyang pumapasok ay naka tala at ligtas.

Magkano naman kaya ang bayad sa Swimming Pool?

Infinity Adult – 70 pesos

Infinity Kiddie – 50 pesos

Jacuzzi – 150 na may minimum na 10 ka tao para ito ay mapaliguan sapagkat gumagamit ito ng kureyente para painitin. Ang Jacuzzi ay may 10 massage jet na mainam pang masahe sa likod at maraming magagandang naidudulot sa katawan ng tao.

Kahalintulad sa ibang beach resorts sa karatig barangay, ang Suki Beach ay may open cottages din, may mga papag sa ilalim ng puno na pweding upuan upuan at silungan.

Ang Suki Beach ay pangunahing pinag darausan ng mga pribadong pag titipon dahil ang function hall nito ay kayang silungan ng 200 ka tao, may malaki ring itong ground na maaring pag dausan ng ibat-ibang aktibidad kayagaya ng “team building” at mga “recreation activity”, “camping” at ibapa.

Ang isa sa pinaka darayo sa lugar na ito ay ang mga masasarap at sariwang isda na hinahain para sa mga bisita, lahat ng lamang dagat ay hinuhuli mismo sa dagat ng Suki.

​

​

​

​